Բանկ-հաճախորդ հեռակա սպասարկման համակարգը հնարավորություն է տալիս խնայել ժամանակ, զերծ մնալ բանկ այցելելու անհրաժեշտությունից, ստանալ տեղեկատվություն հաշիվների վերաբերյալ, ուղարկել էլեկտրոնային փաստաթղթեր (վճարման հանձնարարականներ, արտարժութով գործարքների դիմումներ). Համակարգը հարմար է և պարզ օգտագործման համար, ապահովում է տրամադրվող և փոխանցվող տվյալների գաղտնիությունը, հնարավորություն է տալիս առավել արդյունավետ կառավարել սեփական ռեսուրսները, ինչպես նաև ստանալ անհրաժեշտ տեղեկություն համակարգի աշխատանքի վերաբերյալ:

Բանկ-Հաճախորդ համակարգով մատուցվող ծառայությունների պայմաններ

ՎՏԲ-Հայաստան Բանկն իր հաճախորդներին առաջարկում է բանկային և քարտային հաշիվների համալրման հարմարավետ և ժամանակակից եղանակ TelCell վճարային տերմինալների միջոցով:

Դուք կարող եք TelCell վճարային տերմինալների միջոցով կատարել Ձեր բանկային և քարտային հաշիվների համալրումները` առանց մասնաճյուղ այցելելու` ժամանակի իրական ռեժիմում: Ծառայությունը հասանելի է շուրջօրյա TelCell ընկերության շուրջ 1500 տերմինալների միջոցով` տեղակայված ինչպես Երևանում, այնպես էլ ՀՀ մարզերում:

Արտարժույթով հաշիվների համալրման դեպքում տերմինալ մուտքագրված ՀՀ դրամով գումարը կփոխարկվի բանկային/քարտային հաշվին վերջինիս հաշվեգրման (քաղվածքում արտացոլման) պահին Բանկում անկանխիկ գործարքների համար գործող փոխարժեքով:

Ուշադրությու′ն, վարկային պայմանագրով սահմանված մայր գումարի վաղաժամկետ մարման տույժի առկայության դեպքում տույժը կգանձվի վճարման գումարից:

ՎՏԲ-Հայաստան Բանկի մասնաճյուղերում առկա TelCell տերմինալների հասցեներին կարող եք ծանոթանալ այստեղ: